ဒါပေမယ့် ပထမဆုံး အမေရိကန်မွတ်စလင် အောက်လွှတ်တော်အမတ် ကိသ် အယ်လီဆန်ကတော့ ဒီမိုကရက်တစ်ပါတီရဲ့ မဟာဗျူဟာတွေကို ချမှတ်ပေးတဲ့ အမျိုးသား ဒီမိုကရက်တစ်ကော်မတီရဲ့ DNC မှာ ဥက္ကဌဖြစ်ရေး ခြေလှမ်းနေပြီ ဖြစ်ပါတယ်။
မင်နီဆိုတာပြည်နယ်ကိုယ်စားပြုတဲ့ အယ်လီဆန်ဟာ ဒီ သြဇာကြီးမားတဲ့ ရာထူးအတွက် ၀င်ရောက်ယှဉ်ပြိုင်ဖို့ ဆန္ဒရှိနေတယ်လို့ နီးစပ်သူတွေက ဆိုပါတယ်။ ဒီအတွက် အယ်လီဆန်ကိုယ်တိုင်က ဘယ်လိုမှတ်ချက်မျိုးမှ မပေးသေးပေမယ့် အထက်လွှတ်တော်အမတ် ဘာရ်နီ ဆန်းဒါးရ်စ်နဲ့ အလီဇဘက်သ် ၀ါရန်၊ နယူးယောက် အထက်လွှတ်တော်အမတ် ချက်ရှူမားတို့အပါအ၀င် သြဇာကြီးမားတဲ့ သူ့ရဲ့ လုပ်ဖော်ကိုင်ဖက် တော်တော်များများကတော့ သူ့ကို ထောက်ခံထားကြပါတယ်။ ချက်ရှူးမားဟာ အထက်လွှတ်တော်ရဲ့ လူနည်းစုခေါင်းဆောင်ဖြစ်ဖို့ မျှော်မှန်းထားသူပါ။ အယ်လီဆန်ဟာ အထက်လွှတ်တော်က ဒီမိုကရက်တစ်ခေါင်းဆောင် နီဗာဒါပြည်နယ်က ဟာရီ ရေ့ဒ်ရဲ့ ထောက်ခံမှုကိုလည်း ရရှိထားပါတယ်။
“ကျွန်တော့်သူငယ်ချင်း ကိသ် အယ်လီဆန်ဟာ အင်မတန်တော်တဲ့ ခေါင်းဆောင်တစ်ဦးဖြစ်ပြီး ပြဿနာတွေကို ဘယ်လိုဖြေရှင်းရမလဲဆိုတာကိုသိတဲ့ အရှေ့ကိုကြိုမြင်သူတစ်ယောက် ဖြစ်ပါတယ်။ အခုအချိန်ဟာ DNC မှာ အတွေးအခေါ်အသစ်တွေ၊ ခြေလှမ်းအသစ်တွေ လိုအပ်နေတဲ့အချိန်ဖြစ်ပြီး ဒါဟာ ကိသ် (အယ်လီဆန်) ရဲ့ အချိန်ပါပဲ” လို့ ရေ့ဒ်ကထုတ်ပြန်ခဲ့တဲ့ ကြေငြာချက်မှာ ဖော်ပြထားပါတယ်။
ပါတီအတွက် ဘယ်လို လူငယ်ခေါင်းဆောင်အသစ်တွေ ပေါ်ထွက်လာမလဲဆိုတာကို စောင့်ကြည့်ရမယ့် DNC ရဲ့ နောက်ထပ်အကြီးအကဲ ရွေးချယ်မှုဟာ ဟီလာရီ ကလင်တန်တစ်ယောက် ထရမ့်ကို မထင်မှတ်ဘဲ ရှုံးနိမ့်မှုအပြီး ဒီမိုကရက်တစ်ပါတီက ဘယ်လမ်းကြောင်းကို လျှောက်မလဲဆိုတာကိုနဲ့ ပြသမယ့် အရေးကြီးတဲ့အချက်လည်း ဖြစ်ပါတယ်။
တကယ်လို့ အယ်လီဆန်သာ အရွေးခံရမယ်ဆိုရင် ထရမ့်ရဲ့ လူဖြူမဟုတ်သူတွေကိုအပေါ် ပြောခဲ့တဲ့ မှတ်ချက်တွေနဲ့ ပတ်သက်လို့ တော်တော်လေး စိုးထိတ်မှုတွေရှိနေတဲ့ မွတ်စလင်တွေအပါအ၀င် တစ်ခြား လူမျိုးစုငယ်လေးတွေရဲ့အရေးအတွက် အင်မတန်အရေးပါတဲ့ အခန်းကဏ္ဍကနေ ဆောင်ရွက်နိုင်မှာ ဖြစ်ပါတယ်။
မင်နီယာပိုလစ်က သူ့ရဲ့ ခရိုင်ရုံးခန်းမှာပြုလုပ်တဲ့ အင်တာဗျူးမှာ အယ်လီဆန်က သူ့ပတ်ဝန်းကျင်က မွတ်စလင်တွေဟာ ထရမ့် သမ္မတဖြစ်တော့မယ်ဆိုတဲ့အချိန်မှာ သူတို့အပေါ် ခွဲခြားမှုတွေ၊ ဆိုးရွားတဲ့ ဆက်ဆံမှုတွေ ရှိမလားဆိုတဲ့ စိုးရိမ်မှုတွေ မြင့်တက်လာခဲ့တယ်လို့ ဆိုပါတယ်။
“‘ကျွန်မတို့ ကလေးတွေက သားတို့တွေ မောင်းထုတ်ခံရတော့မှာလား။ လုံခြုံမှုဆက်ရှိမှာလားဆိုပြီး မေးနေကြတယ်’ လို့ ကျွန်တာ့်ကို ပြောပြတဲ့မိခင် တစ်ယောက်မက ရှိပါတယ်။ ဆယ်ကျော်သက် မိန်းကလေးတွေကလည်း သူတို့အနေနဲ့ သူတို့ ဆန္ဒရှိရင် ဟီဂျဘ် ဆက်ဝတ်လို့ရမလားဆိုပြီး မေးကြတာတွေလည်း ရှိပါတယ်။ ဒါက ကိုယ်ပိုင်ရွေးချယ်မှုပါ။ ဒါပေမယ့် အခုအချိန်မှာတော့ ဒါမျိုးဝတ်ဆင်ဖို့ မလုံခြုံတော့ဘူးဆိုတဲ့ အနေအထားမျိုး ဖြစ်နေပါပြီ” လို့ အယ်လီဆန်က ပြောကြားခဲ့ပါတယ်။
အရင်အင်တာဗျူးတွေတုန်းကလိုပဲ အခုအချိန်မှာလည်း အယ်လီဆန်က အံ့သြဖို့ကောင်းတဲ့ မှတ်ချက်တစ်ခု ပေးခဲ့ပါသေးတယ်။ ဒါကတော့ အခုအချိန်ဟာ စက်တင်ဘာ ၁၁ အကြမ်းဖက်တိုက်ခိုက်မှုအပြီးနောက်ပိုင်မှာ ကြုံတွေ့ရတဲ့ အခြေအနေမျိုးထက် ပိုဆိုးတဲ့ အခြေအနေမျိုးလို့ သူက ယုံကြည်ကြောင်း ပြောကြားခဲ့ပါတယ်။
“အခုအချိန်က ပိုပြီး ခက်ခဲနိုင်ဖွယ်ရှိတယ်လို့ ကျွန်တော်ထင်ပါတယ်”
စက်တင်ဘာ ၁၁ တိုက်ခိုက်မှုပြီးတဲ့နောက်ပိုင်းမှာ တင်းမာမှုတွေက တစ်ဖြည်းဖြည်းလျော့ကျကာ ပုံမှန် ပြန်ဖြစ်လာတယ်လို့လည်း ဆိုပါတယ်။ အောက်လွှတ်တော်ရဲ့ ပထမဆုံး မွတ်စလင်အမတ် ဖြစ်လာခဲ့ပြီးတဲ့နောက်မှာတော့ သမ္မတ ဂျော့ဂ်ျ ဒဘလျူ ဘုရ်ှက “‘လက်ဆွဲနှုတ်ဆက်ပြီး ‘အယ်လီဆန်ရေ – အောက်လွှတ်တော်မှာ မွတ်စလင်အမတ်တစ်ယောက် ရှိလာတဲ့အတွက် ကျွန်တော် ဂုဏ်ယူပါတယ်'” လို့ ပြောကြာခဲ့ကြောင်း သူက ဖွင့်ဟခဲ့ပါတယ်။
နောက်ပြီး အစ္စလာမ်သာသနာက ပြဿနာမဟုတ်ဘဲ့ အကြမ်းဖက်သမားတွေ၊ လူသတ်သမားတွေနဲ့ အဲဒီအရူးတွေကသာ ပြဿနာဖြစ်တယ်လို့လည်း ဘုရ်ှက ပြောကြားခဲ့တယ်လို့ ဆိုပါတယ်။
အယ်လီဆန်ကတော့ “ဘုရ်ှဟာ ဒီစကားအတွက် သြဘာပေးမှု သိပ်မရခဲ့ပါဘူး” လို့ ပြောကြားခဲ့ပါတယ်။
